網路會員
|
2005/04/18 01:01
器材:
其他 其他
我近年都有0係d商場做 part time helper, 兩年前有個女同事朋友話過有個用canon dslr 0既鬼佬同佢地講"想影d chinese face, 叫佢地影相,再留contact." 鬼佬話佢住將軍澳, 女同事朋友對佢有小小懷疑, 只係留左 email 俾佢. 點知之後收倒email, 個鬼佬叫佢地影nude, 佢地緊係一口say no. 個鬼佬就講晒粗口, 帶有攻擊性咁回應。 激死又嚇死佢地。
兩年後0既尋日. 我同事0係又一城又見倒個好似當日0個個衰鬼佬0既人, 一睇佢又係用canon dslr, 又同d 後生女仔0係度不停講野, 就估會唔會又係佢。 咁我同事就叫我走去問個女仔, 咁我之後就跟住個女仔la, 我都唔敢亂黎, 但眼見個女仔跟個鬼佬走, 就走去拍一拍個女仔, 用中文同佢講叫佢一陣黎返搵我地. 之後個鬼佬望一望我0個邊就走左. 個女仔之後黎我個度, 我同事就問佢係唔係又係 影chinese face 0個d 野, 係唔係0係pageone meet 倒佢. 全部都係同我同事兩年前0既experience 一樣, 就肯定左係佢。
今日返工又見倒個鬼佬. 佢又0係度同另一個女仔傾計, 之後就去左附近公園影相,我有跟住佢地, 影完之後佢地就坐埋一邊, 個鬼佬拎本野出黎, 想叫女仔留contact. 我就即刻行埋去當面叫個女仔唔好留contact, 同埋話佢聽個鬼佬好有問題, 個女仔之後話"我諗知道點做ga la, 唔該" 咁我就走左la.
之後個鬼佬行過我果邊... 望住我... 我即刻啤住佢, 佢上電梯, 又望我, 我又啤佢啤到行,佢就即刻另轉面。...
唉, 真係唔想聽日又見倒佢... 點解d 女仔咁易聽人講ga.
|